Shyǵys Qazaqstan oblysynda 9 jyl boiy zańsyz zeinetaqy alyp kelgen reseilik ustaldy, dep habarlaidy QazAqparat.
ShQO Politsiia departamenti baspasóz qyzmetiniń málimetine súiensek, tártip saqshylary «Migrant» jedel-aldyn alý sharasy barysynda qos azamattyq faktilerin anyqtaýda.
«Máselen, 2006 jyly Resei Federatsiiasy Altai ólkesinde sol eldiń azamattyǵyn alǵan er adam tirkeldi. Ol soǵan qaramastan 9 jyl boiy Qazaqstan Respýblikasynyń aýmaǵynda zeinetaqy alyp kelgen. Atalǵan fakti boiynsha oǵan QR ÁQBK-niń 496-babyna sáikes 100 AEK somasynda aiyppul salyndy», -dedi oblystyq PD kóshi-qon qyzmeti basqarmasynyń bastyǵy Erbol Bekpaev.
Sonymen qatar 2020 jyly Resei Federatsiiasynyń azamattyǵyn alǵan Ulan aýdanyń turǵyny bul jaily politsiia organdaryna habarlamaǵan. Sot sheshimimen ol elden qýyldy.
