Reseilik tanymal bloger Dania Milohin qoǵamda daý týdyrǵan sózinen keiin qazaqstandyqtardan keshirim surady. Bul týraly ol Instagram-daǵy storiinde jazdy, - dep habarlaidy Tengrinews.kz agenttigi.
Eske salaiyq, Qazaqstanǵa kelgen reseilik bloger Dania Milohin eldegi mýzykanttarǵa qatysty pikir bildiremin dep basy daýǵa qalǵan edi. Dania Milohin men Ania Pokrov otandyq baǵdarlamalardyń birinde Ninety One tobynyń "Men emes" ánine baǵa beredi. "Klip túsirýge aqshasy bardai...", deidi ol. Blogerdiń bul pikiri Jelide qyzý talqylandy.
Oqiǵadan keiin qazaqstandyqtar Milohinge óz eline qaitýǵa keńes bergen. Bloger jaǵdaidyń ýshyǵyp ketkenin ańǵaryp, Instagram jelisindegi paraqshasynda jazba qaldyrdy.
"Qazaqtar, sizderdi jaqsy kóremin. Sizderge til tigizemin dep eshqashan oilaǵan emespin. Ózim baiqamai renjitip qoisam, keshirim suraimyn", - dep jazdy ol.
Milohinniń storiinen taǵy bir reseilik bloger Ania Pokrovty baiqaýǵa bolady. Ekeýi Almatynyń taýyna shyǵyp, Qazaqstandaǵy saparlary týraly aitady.
"Bul Qazaqstan emes, taza Shveitsariia ǵoi. Men jumaqty kóre aldym. Qazaqstanǵa ǵashyq bolyp qaldym", - deidi Ania.
