Qazaqstandyqtar 25 shildeden bastap Reseige kirgen kezde «Pýteshestvýiý bez COVID-19» qosymshasyn paidalanýy tiis. Bul týraly IIDM telegram kanalynda habarlandy.
Osy platformanyń kómegimen koronavirýsqa taldaý jasaý úshin eń jaqyn zerthanalardy tabýǵa bolady. Test elge kirgenge deiin keminde 72 saǵat buryn tapsyrylýy tiis. Nátijesi QR kod túrinde jiberilip, ony shekarada kórsetý kerek.
Sondai-aq, nátijeler ózara yqpaldastyrylǵan aqparattyq júiege engiziledi. Bul Qazaqstan azamattaryna Resei aýmaǵyna Armeniia, Belarýs jáne Qyrǵyzstannyń áýe ótkizý tirekteri arqyly (tranzitpen) kirýge múmkindik beredi.
«Pýteshestvýiý bez Covid-19» qosymshasyn paidalanýdyń tártibi mynandai:
1. Qosymshany júkteisiz.
2. Baǵdarlama usynǵan tizimnen eń jaqyn zerthanany tańdaisyz.
3. PTR-test tapsyrǵannan keiin nátijeni QR-kodty (ony zerthana beredi) skanerleý arqyly «Testter» bólimine júkteisiz.
