Reseidiń Krasnoiarsk qalasyndaǵy jekemenshik narkologiialyq klinikadaǵy órtten 4 adam qaza taýyp, ekeýi jaraqat aldy, dep habarlaidy TASS agenttigi.
17 qyrkúiek kúni saǵat 03:46-da (Máskeý ýaqytymen 23: 46) Krasnoiarskidegi Mir dańǵylynda ornalasqan «Taza qala» jeke narkologiialyq klinikasynan órt shyqqany týraly aqparat kelip tústi.
«Aldyn ala málimetter boiynsha órt saldarynan 6 adam zardap shegip, tórteýi qaitys boldy», – dep habarlady Tótenshe jaǵdailar ministrliginen.
Birinshi qabattaǵy kabinette 10 sharshy metr alańda órt shyǵyp, órt sóndirýshiler alty adamdy qutqarǵan. Ǵimaratta adamdardyń bar-joqtyǵyna tekserý júrgizildi, jalyn sóndirildi.
Oqiǵa ornyna evakýatsiialanǵan adamdardy jylytý úshin avtobýs jiberildi. Klinikadan 16 adam qutqaryldy, 12 adam turǵyn úidiń kireberisinen evakýatsiialandy, onyń ishinde bir bala bar.
