Ánshi-kompozitor, Reseidiń halyq ártisi Aleksandr Gradskii 72 jasynda baqilyq boldy, dep habarlaidy "Ult aqparat".
26 qarasha, jumada Gradskii jaqyndarynan jýynatyn bólmege jetýge kómektesýin ótingen. Osy sátte mýzykanttyń jaǵdaiy nasharlap, talyp qalyp, bir saǵat esin jiia almaǵan.
27 qarashada Aleksandr Borisovich insýlt aldy degen kúdikpen Máskeý aýrýhanalarynyń birine jetkizilip, jansaqtaý bólimine jatqyzylǵany habarlandy.
Buǵan deiin ol eki ret aýrýhanaǵa jatýdan bas tartqan, keide oǵan jedel-járdem bir kúnde birneshe ret kelgen.
Sońǵy kezderi ánshiniń qan qysymy tómendep, aiaǵy aýyryp júrgen. Soǵan qaramastan Gradskii "Golos" telejobasyna qatysýdy jalǵastyrǵan jáne ony stýdiiaǵa arnaiy kólikpen ákelip júrgen.
Gradskii qyrkúiek aiynda koronavirýs infektsiiasyn juqtyrǵan.
Aleksandr Borisovich 1949 jyly 3 qarashada Cheliabi oblysyndaǵy Kopeisk qalasynda dúniege kelgen.
Reseidiń eńbek sińirgen ártisi (1997) jáne Reseidiń halyq ártisi (1999). "Gradskii Holl" teatrynyń kórkemdik jetekshisi.
