Evgenii Vahtangov atyndaǵy teatr «Aýqymdy gastrolder» baǵdarlamasy aiasynda Nur-Sultan qalasyna gastrolmen keldi, dep habarlaidy "Ult aqparat".
Reseidiń eń tanymal drama teatrlarynyń biriniń ártisteri elorda turǵyndary men qonaqtaryna A.S.Pýshkinniń «Evgenii Onegin» romanynan kórinister men A.P.Chehovtyń «Diadia Vania» spektalin usynbaq.
Spektaklder «Astana Opera» memlekettik opera jáne balet teatrynda sahnalanbaq.
«Biz 2 jyl boiy QR Mádeniet jáne sport ministrligimen kelissózder júrgizdik. QR Mádeniet jáne sport ministri Máskeýge kelip, «Evgenii Onegin» spektaklin kórgennen keiin isimiz alǵa jyljydy. 9 qańtarda osy keremet teatrda birinshi spektaklimizdi qoidyq. Kelesi jyly bizge 100 jyl tolady. Osy jylǵy gastrolderimizdiń bári bizdiń teatrdyń 100 jyldyq mereitoiyna arnalady. Bizge osy memleketke kelgen unaidy jáne kelesi jyly da qýana kelemiz. Bizdiń jumys – spektakl kórsetip, gastrolge shyǵý», - deidi Evgenii Vahtangov atyndaǵy memlekettik akademiialyq teatrdyń direktory Kirill Krok elordada ótken baspasóz konferentsiiasynda.
Reseidiń eń tanymal drama teatrlarynyń biriniń ártisteri elorda turǵyndary men qonaqtaryna 8-9 qańtarda A.S.Pýshkinniń «Evgenii Onegin» romanynan kórinister kórsetse, 10-11 qańtar kúnderi A.P.Chehovtyń «Diadia Vania» spektalin usynbaq.
Spektaklder «Astana Opera» memlekettik opera jáne balet teatrynda sahnalanbaq.
Bul rette Týristik qyzmetti qoldaý boiynsha Federaldy ortalyqtyń bas direktorynyń orynbasary Vladimir Cherkasov atalǵan ortalyqtyń 2016 jyldan beri qazaqstandyq teatrlarmen yntymaqtasyp kele jatqandyǵyn atap ótti.
«Aýqymdy gastrolder» baǵdarlamasyn Federaldy ortalyq júzege asyrady.
«Biz sheteldik baǵdarlamany 2015 jyldan beri júzege asyra bastadyq. Iske asyrylǵan sátten bastap Qazaqstan bizdiń belsendi seriktesimiz boldy. Baǵdarlama jaqyn shetelderdegi orys tildi teatrlardy qoldaýǵa baǵyttalǵan. Qazaqstanmen yntymaqtastyq týraly aitar bolsaq, bizdiń Qazaqstandaǵy alǵashqy seriktesimiz Almatydaǵy M.Lermontov atyndaǵy orys drama teatry boldy. Ótken jyldan bastap Nur-Sultan qalasy da baǵdarlamaǵa engeni qýantady», - dedi Vladimir Cherkasov.
