Ekaterinbýrg qalasynda kóshedegilerge oq jaýdyrǵan er adam ustaldy. Osyǵan qatysty qylmystyq is qozǵaldy, dep habarlaidy TASS agenttigi.
«Ekaterinbýrgte balany óltirýge árekettengen jáne quqyq qorǵaý organdarynyń qyzmetkerine qaýip tóndirgen kúdikti ustaldy. Bul fakti boiynsha Reseidiń Sverdlov oblysyndaǵy Tergeý komitetiniń tergeý organdary RF Qylmystyq kodeksiniń 3-baby 30-bóligi, 2-babynyń 105-bóligi jáne 317-baby («Jas balany óltirmek bolý; Quqyq qorǵaý organdarynyń qyzmetkerine qaýip tóndirý») boiynsha qylmystyq is qozǵady», – delingen Tergeý komitetiniń baspasóz qyzmeti taratqan habarlamada.
Oblystaǵy IIM baspasóz qyzmetiniń jetekshisi Valerii Gorelyh operatsiianyń aiaqtalǵanyn aitty.
«Ustalǵan kúdiktiden jaýap alynady», – dedi ol.
Er adamdy ustaý úshin jaryq jáne dybys granatasy qoldanyldy. Qylmysker qarsylasyp, arnaiy jasaqqa qarai 10 ret oq atqan.
Barlyq oq brondy saýytqa tidi. Jasaq ókilderinen eshkim zardap shekken joq. Kúdikti páterine shabýyl jasalyp, ol ustalyp politsiiaǵa tapsyryldy.
