Reseiden jetkizilgen tartylǵan et ónimderi gigienalyq talaptarǵa sai emes. Bul týraly QR DM Qoǵamdyq densaýlyq saqtaý komitetinen málim etti.
Atalǵan vedomstvo Qazaqstanǵa jetkiziletin ónimderdiń qaýipsizdigine monitoring júrgizgen. Shara aiasynda «FinInvest» JShQ-nyń (RF) «Kotletnyi» tartylǵan etinen, «SPK Kýrnikov» JShQ-nyń (RF) «Natýralnyi», «Krestianskii» tartylǵan etterinen, «Stavropolskii broiler» JAQ-nyń (RF) broiler balapany qanatynan. «Mikoianovskii miasokombinat» JAQ-nyń (RF) - «Osobaia so shpikom» shujyǵynan synama alǵan. Tekserý nátijesinde atalǵan ónimderdiń jalpy mikrobtyq tuqymdaný kórsetkishi boiynsha gigienalyq normativter men tehnikalyq reglamentter talaptarynyń buzylǵany anyqtalǵan.
«Qazirgi ýaqytta sapasyz ónimderdi ótkizýshilerge qatysty, onyń ishinde saýda nysandarynan sapasyz taýardy alyp tastaý boiynsha ákimshilik sipattaǵy sharalar qabyldanyp jatyr. Dúken sórelerinde sáikes kelmeitin ónim anyqtalǵan jaǵdaida komitettiń meken jaiyna jazbasha jáne 8 /7172/ 74-26-97 telefon nómirine habarlasýǵa bolady», - dep atap ótedi vedomstvodan.
