Foto: Ekologiia ministrligi
Batys Qazaqstan oblysynda sý tasqynyna qarsy kúres jumystary jalǵasýda. Óńirdegi jaǵdai áli de kúrdeli. Qazirgi kezeńde Reseidiń Orynbor oblysynan bastaý alǵan kólemdi sý oblysqa 20 sáýir kúni keledi dep boljanýda. Qazir Jaiyq ózenindegi sýdyń deńgeii 776 sm quraidy. Iaǵni, keshegi kórsetkishpen salystyrǵanda 8 sm-ge artqan, dep habarlaidy «Ult aqparat» Sputnik Qazaqstanǵa silteme jasap.
Osyǵan bailanysty, Jaiyq ózenine jaqyn ornalasqan oblystyń Aqjaiyq, Bórli, Báiterek, Terekti aýdandary men Oral qalasyndaǵy qaýipti aimaqtardan turǵyndar evakýatsiialanýda. Bul jaily BQO ákiminiń baspasóz qyzmetiniń basshysy Erhan Tatken OKQ alańynda ótken brifingte málim etti.
Sý tasqyny bastalǵaly beri barlyǵy 13614 adam evakýatsiialandy, onyń ishinde 5653-i balalar. Sý basqan ýchaskelerden evakýatsiialanǵan turǵyndardy ornalastyrý úshin syiymdylyǵy 9 myńǵa jýyq orynǵa laiyqtalǵan 161 ýaqytsha ornalastyrý pýnktteri daiyndaldy. Búgingi tańda 15 evakýatsiialyq pýnktte 2 189 adam bar.
"Óńirimizdegi sý tasqynyna qarsy is-sharalarǵa oblysymyzdan jáne basqa aimaqtardan barlyǵy 6478 adam, 1574 tehnika jumyldyryldy, onyń ishinde 790 arnaiy tehnikalar. TJM jáne Ulttyq ulannyń tikushaqtarynyń ekipajdary daiyn, olar qajet bolǵan jaǵdaida gýmanitarlyq kómekti jetkizýdi júzege asyrady jáne apattyq-qutqarý jumystaryn júrgizedi. Óńirimizge Úkimet basshysy is-saparmen kelip, oblystyń sý tasqynyna daiyndyq barysyn tekserýde. Sý tasqyny jaǵdaiy sondai-aq, Batys Qazaqstan oblysynyń ákimi Nariman Tóreǵalievtiń baqylaýynda, ol kún saiyn sý basqan aýmaqtarǵa baryp, jedel shtabty ózi basqarýda", – dedi spiker.
Budan bólek, oblysta turǵyndardyń tirshiligin qamtamasyz etetin strategiialyq nysandardy qorǵaý sharalary kúsheitildi. Atap aitqanda, Oralda "Batys sý arnasy" JShS, "Jaiyqjylýenergo" AQ, Elektr jelileri jáne Kógildir otynmen qamtamasyz etetin nysandar men t.b obektilerde tasqynǵa qarsy jumystar kúsheitildi.
Jaiyq ózeni boiyndaǵy strategiialyq nysandardy sý tasqynynan qorǵaý úshin bógetterdi nyǵaitý boiynsha jumystar júrgizilip jatyr. Sondai-aq bul kásiporyndar qazir qalypty rejimde jumys istep tur. Qala turǵyndaryn sýmen qamtamasyz etý jumystary aldyn ala qolǵa alynǵan.
