QR Energetika ministri Maǵzum Myrzaǵaliev Reseimen Qazaqstannyń soltústik jáne shyǵys óńirlerin gazdandyrýǵa qatysty kelisózder jaiynda aitty, dep habarlaidy QazAqparat.
«Nátije bar. Biz tehnikalyq parametrlerine, kommertsiialyq parametrlerine qatysty naqty kelissózder bastaýdy ýaǵdalastyq. Iaǵni, gaz quny, qubyr tartý negizdemesin ázirleý úshin qajetti gaz tutynýdyń eń tómengi kólemi týraly máseleler qozǵalady. Ótken aptada ǵana «Gazprom-eksport» basshylyǵymen kezdesip, bul máselelerdi talqyladyq» - dedi ministr Senattyń jalpy otyrysynan keiin BAQ ókilderiniń saýalyna orai.
