Reseidiń Forbes jýrnaly qaǵaz nusqasyn toqtatyn boldy. Bul jóninde basylym direktory Dmitrii Ozman habarlaǵanyn The Insider jazdy.
Ozman sózinshe, bul sheshim Resei naryǵynan sheteldik jarnama berýshilerdiń ketip qalǵanyna bailanysty qabyldanǵan.
"Forbes jýrnalynyń qaǵaz nusqasyna qarasańyz, onda jarnamanyń negizgi bóligin BMW, Mercedes, Bentley sekildi avtomobil brendteri jáne rynoktyń liýks segmentiniń taýarlary alyp turǵanyn kóresiz. Sanktsiia saldarynan olardyń bári Reseiden ketip qaldy. Onyń ústine qaǵaz ben tipografiialyq qyzmet shyǵyndary da kóbeiip ketti", — deidi Ozman.
Jýrnaldy baspaǵa daiyndaityn qyzmetkerler basylymnan ketýi múmkin, redaktsiia músheleri jumys oryndarynda qalady. Kommertsiialyq bólim derbes biznes-iýnitter bóledi.
Ozman sózinshe, bul sheshim Forbes jýrnalynyń Niý-Iorktegi bas ofisiniń talaptaryna nemese litsenziiaǵa bailanysty emes.
Amerikanyń iskerlerge arnalǵan Forbes jýrnalynyń negizin 1917 jyly Berti Charlz Forbs qalaǵan. Basylym biznes, investitsiia, tehnologiiaǵa arnalǵan. Forbes óziniń jyl saiynǵy túrli saladaǵy reitingilerimen de belgili.
