Almaty áýejaiyna kelgen Azamattyq aviatsiianyń eki borty Máskeýden 55 tonna meditsinalyq dári-dármek jetkizdi, onda koronavirýs infektsiiasy men pnevmoniiany emdeýge arnalǵan, virýsqa qarsy jáne dene qyzýyn túsiretin preparattar, antikoagýlianttar men antibiotik bar, - dep habarlaidy QR DSM baspasóz qyzmeti.
Jýyrda Qazaqstan dárihanalaryna 150 myńǵa jýyq «Azitromitsin» tabletkasy, millionǵa jýyq «Tseftriakson», «Tamifliý» preparatynyń 150 myń paketi, «Arbidoldyń» 50 myń oramasy jáne arnaiy reistermen kelgen basqa da qajetti meditsinalyq preparat túsedi.
«Bul dári-dármek bir aiǵa jetkilikti. Kelgen dári-dármekter birkelki úlestirilip, jaqyn kúnderi óńirlerge jedel jetkiziledi. Osy bort kelesi aptada Úndistannan da dári-dármek tasymaldaidy. Dári-dármekpen qamtamasyz etýdiń qoljetimdiligin arttyrý jáne dári-dármekterge barlyq qajettilikti jabý maqsatynda mundai is-sharalar ai saiyn uiymdastyrylatyn bolady», delingen habarlamada.
Vedomstvonyń málimdeýinshe, dári-dármekti azamattyq aviatsiia komitetiniń arnaiy borttarymen jedel jetkizý - naryqty joǵary suranysqa ie dári-dármekpen jedel qamtamasyz etý úshin Úkimet ázirlegen sharalardyń biri. Mundai reister Qazaqstandaǵy dárihana jelilerin turaqty túrde dári-dármekpen tolyqtyryp otyrady.
