Almatyda Reseiden ákelingen 13 500 litrden asa kontrabandalyq syra tabyldy, - dep habarlaidy Tengrinews.kz agenttigi qalalyq Memlekettik kirister departamentine silteme jasap.
Alkogol ónimderi 9 tamyzda tekserý kezinde anyqtalǵan. Reseiden zańsyz ákelingen syranyń kólemi shamamen 13,5 myń litr. Onyń 11 myń litrine jýyǵy plastik ydystarda saqtalǵan.
"Qazaqstannyń qoldanystaǵy zańnamasyna sáikes, ruqsatsyz jáne plastikalyq ydystardaǵy alkogol ónimderi ainalymyna tyiym salynady", - dedi departament ókilderi.
Tekserilip jatqan nysanda spirt – viski, býrbon jáne t.b. óndirilgen astyrtyn tseh te anyqtaldy. Olardy jasaý úshin samogon jáne quramynda spirti bar suiyqtyqtar paidalanylǵan.
"Aita ketý kerek, alkogol óniminiń kóleńkeli ainalymy memleketke ǵana ziian keltirip qoimai, turǵyndardyń densaýlyǵyna da aitarlyqtai ziian keltiredi", - dep tolyqtyrdy vedomstvodaǵylar.
Memlekettik kirister departamenti Úkimet araq pen kúshti alkogol sýsyndarǵa eń tómengi bólshek saýda baǵasyn belgilegenin eske saldy. Demek, bir litr araqtyń baǵasy kem degende 1980 teńge, iaǵni jarty litrlik ydys 990 teńge. Koniak pen brendi úshin eń tómengi shek litrine 2930 teńge nemese 0,5 litrlik ydys úshin 1465 teńge.
"Saýda nysandary alkogol ónimderin eń tómengi bólshek saýda baǵasynan tómen satqan jaǵdaida, Almaty qalasy boiynsha Memlekettik kirister departamentine Abylaihan kóshesi, 93/95 úi mekenjaiy boiynsha nemese 1414 bailanys ortalyǵyna habarlasýlaryńyzdy suraimyz", - dep qorytyndylady vedomstvo ókilderi.
