Kemerov oblysy «Listviajnaia» shahtasyndaǵy jarylys metannyń atylýy saldarynan bolýy múmkin. Bul týraly senbi kúni TASS quqyq qorǵaý organdaryndaǵy derekkózge silteme jasap jazdy, dep habarlaidy QazAqparat.
«Aldyn ala málimet boiynsha, kenetten metan atylyp, keiin jarylys bolǵan. Biraq onyń nelikten atylǵany belgisiz. Qazir jaýapty jáne tergeý organdary osyny anyqtap jatyr», - dedi agenttik derekkózi.
Sondai-aq, ol shahtadaǵy metanǵa jaýap beretin qurylǵynyń jumysy zerttelip jatqanyn aitty.
«Qazir ony da anyqtap jatyr», - dep atap ótti derekkóz.
Eske sala ketsek, buǵan deiin Reseidegi «Listviajnaia» shahtasyndaǵy jarylystan aman qalǵan eshkim joq ekenin jazǵan bolatynbyz. Óndiristik apat saldarynan qaza bolǵandardyń jalpy sany alty taý-ken qutqarýshysyn qosa alǵanda, 52 adamdy qurady.
