Resei quramyndaǵy Komi respýblikasynyń Ýsinsk qalasyndaǵy áýejai alańyna bortynda júz jolaýshysy bar Utair áýe kompaniiasynyń ushaǵy apatty jaǵdaida qondy.
Máskeýden Ýsinskige ushyp kelgen Boeing 737 ushaǵy qonar sátte ushý alańyna artqy bóligimen soǵylyp, alańnan shetke shyǵyp ketken. Tótenshe oqiǵadan ushaqtyń artqy dóńgelegi synyp, fiýzeliajy men qanattary zaqymdanǵan. Jerge qonar aldynda janarmaidy túgel jaǵyp úlgergendikten, artqy bóligi jerge qatty soǵylǵan ushaqta órt bolmaǵan. Borttaǵy barlyq jolaýshy úrmeli trap arqyly evakýatsiialanǵan. Kei aqparat quraldary eki adam zardap shekken dep habarlady.
Tótenshe oqiǵaǵa ushaq qonar aldynda dóńgelegin jazǵan kezde týyndaǵan problema, tehnikalyq aqaý nemese ekipajdyń qateligi sebep bolýy múmkin degen úsh túrli boljam aitylady.
