Resei Birinshi arnasynyń burynǵy qyzmetkeri Marina Ovsiannikova reseilik armiianyń "bedelin túsirgeni" úshin qamaýǵa alyndy. Bul týraly onyń advokaty Dmitrii Zahvatov málimdedi, - dep habarlaidy Tengrinews.kz.
"Qazir biz tergeýshilermen jumys istep jatyrmyz. Tergeý bastaldy", - dedi advokat. Buǵan deiin ol jýrnaliske izdeý jariialanǵanyn habarlaǵan bolatyn.
Onyń aitýynsha, kámeletke tolmaǵan eki balasy bar Ovsiannikovanyń qamaýǵa alynýyn nemese sot bastalǵansha bostandyqta júrýin tergeýshiler sheship jatyr. Bultartpaý sharasy boiynsha sot otyrysy 11 tamyzda Máskeýdiń Basman sotynda ótedi.
"Oǵan Resei Federatsiiasy Qylmystyq kodeksiniń 207.3-babynyń 2-bóliginiń "e" tarmaǵy boiynsha aiyp taǵyldy, onda 10 jylǵa deiin bas bostandyǵynan aiyrý jazasy qarastyrylǵan. Istiń qozǵalýyna Sofiiskaia jaǵalaýyndaǵy piket sebep boldy", - dedi advokat RIA Novostige.
15 shildede Ovsiannikova Máskeýdegi Sofiiskaia jaǵalaýyna: "Pýtin - qanisher. Onyń sarbazdary - fashist. 352 bala óldi. Siz toqtaǵansha taǵy qansha bala ólýi kerek?", - degen jazýmen shyqqan bolatyn. Biraq ol kezde politseiler Ovsiannikovany ustamaǵan.
