رەسەي بٸرٸنشٸ ارناسىنىڭ بۇرىنعى قىزمەتكەرٸ مارينا وۆسياننيكوۆا رەسەيلٸك ارمييانىڭ "بەدەلٸن تٷسٸرگەنٸ" ٷشٸن قاماۋعا الىندى. بۇل تۋرالى ونىڭ ادۆوكاتى دميتريي زاحۆاتوۆ مەلٸمدەدٸ, - دەپ حابارلايدى Tengrinews.kz.
"قازٸر بٸز تەرگەۋشٸلەرمەن جۇمىس ٸستەپ جاتىرمىز. تەرگەۋ باستالدى", - دەدٸ ادۆوكات. بۇعان دەيٸن ول جۋرناليسكە ٸزدەۋ جارييالانعانىن حابارلاعان بولاتىن.
ونىڭ ايتۋىنشا, كەمەلەتكە تولماعان ەكٸ بالاسى بار وۆسياننيكوۆانىڭ قاماۋعا الىنۋىن نەمەسە سوت باستالعانشا بوستاندىقتا جٷرۋٸن تەرگەۋشٸلەر شەشٸپ جاتىر. بۇلتارتپاۋ شاراسى بويىنشا سوت وتىرىسى 11 تامىزدا مەسكەۋدٸڭ باسمان سوتىندا ٶتەدٸ.
"وعان رەسەي فەدەراتسيياسى قىلمىستىق كودەكسٸنٸڭ 207.3-بابىنىڭ 2-بٶلٸگٸنٸڭ "ە" تارماعى بويىنشا ايىپ تاعىلدى, وندا 10 جىلعا دەيٸن باس بوستاندىعىنان ايىرۋ جازاسى قاراستىرىلعان. ٸستٸڭ قوزعالۋىنا سوفييسكايا جاعالاۋىنداعى پيكەت سەبەپ بولدى", - دەدٸ ادۆوكات ريا نوۆوستيگە.
15 شٸلدەدە وۆسياننيكوۆا مەسكەۋدەگٸ سوفييسكايا جاعالاۋىنا: "پۋتين - قانٸشەر. ونىڭ ساربازدارى - فاشيست. 352 بالا ٶلدٸ. سٸز توقتاعانشا تاعى قانشا بالا ٶلۋٸ كەرەك?", - دەگەن جازۋمەن شىققان بولاتىن. بٸراق ول كەزدە پوليتسەيلەر وۆسياننيكوۆانى ۇستاماعان.
