Beisenbi kúni tańerteń An-2 ushaǵy RF Magadan oblysynda áýe ailaǵyna jedel qondy, sebebi ol biiktikke kóterile almaǵan. Bul týraly TASS Resei TJM Magadan oblystyq bas basqarmasyna silteme jasap habarlady.
«Ushaq áýege kóterilip bara jatqan kezde qulady. Onda 14 adam boldy», - dep habarlady agenttik derekkózi. Oblys úkimetiniń baspasóz qyzmetiniń málimetinshe, bortta 11 jolaýshy men úsh ekipaj múshesi bolǵan.
TJM baspasóz qyzmetiniń sońǵy deregi boiynsha, oqiǵa saldarynan jeti adam zardap shekken. Barlyq zardap shegýshiler aýrýhanaǵa jetkizildi.
«Oqiǵa ornynda densaýlyq saqtaý ministri Sergei Chekanov júr. Barlyq jolaýshylar aman-esen, tek jeńil jaraqatpen aýrýhanaǵa jetkizildi», - dep habarlady baspasóz qyzmetinen.
Óńirdiń densaýlyq saqtaý ministrliginiń baspasóz qyzmeti bir zardap shegýshiniń aýyr halde jatqanyn habarlady.
«Jedel járdem qyzmeti kásibi túrde tez jumys istedi. Eshkim qaza tapqan joq, balalar bolmaǵan. Qatty zardap shekken bir naýqas bar, ol qazir shokqa qarsy palatada jatyr», - dep atap ótti Magadan oblystyq densaýlyq saqtaý ministrliginen.
Oblys biliginiń aldyn ala deregi boiynsha, ushaq Magadan oblysynda Srednekansk qalalyq okrýgi aýmaǵynda jumys isteitin jeke kompaniiaǵa tiesili. Bortta vahtaǵa bara jatqan kompaniia qyzmetkerleri bolǵan.
Ushaq Seimchan kentine barýy tiis bolǵan. Qutqarýshylardyń málimetinshe, ushaq 10 metr biiktikten qulaǵan. Oqiǵanyń mán-jaiy anyqtalyp jatyr.
