Foto: AiF-Novosibirsk - Argýmenty i Fakty
Sochi – Omby baǵytynda ushqan "Ýralskie avialinii" kompaniiasynyń Airbus A320 jolaýshylar ushaǵy Novosibir oblysynyń Ýbinsk aýdanyndaǵy egis alqabyna shuǵyl qondy. Qaza bolǵandar men zardap shekkender joq.
RIA Novosti agenttiginiń dereginshe, tótenshe jaǵdai Máskeý ýaqytymen saǵat 05.44-te (Astana ýaqytymen 08.44) boldy.
Aldyn ala málimet boiynsha, áýe kemesi apatty jaǵdai týraly dybystyq signal bergen, sodan keiin radardan joǵalyp ketken.
BAQ-tyń jazýynsha, ushaqtyń apatty túrde qonýyna ushý kezinde gidravlikalyq júieniń isten shyǵýy sebep bolǵan.
"Naqtylanǵan aqparat boiynsha ushaq bortynda 167 adam bolǵan, onyń 23-i bala. Sondai-aq 6 ekipaj múshesi bar" - delingen Resei TJM aimaq boiynsha basqarmasynyń habarlamasynda.
Al Baza telegram-kanalynyń málimetinshe, ushaq bortynda Qazaqstannyń tórt azamaty bolǵan.
"Borttaǵylardyń barlyǵy evakýatsiialandy, eshkim zardap shekpedi. Olardy dárigerler tekserdi, biraq eshkimge kómek qajet bolmady.
Jedel qyzmetter ushaqtyń órtenbegenin, jerde de eshqandai zaqym kelmegenin habarlady.
Jolaýshylar jaqyn mańdaǵy eldi mekenniń mádeniet úiine ýaqytsha ornalastyryldy. Kómek kórsetý úshin Ombydan An-26 ushaǵy shyqty, tótenshe jaǵdai aýmaǵyna avtobýstar jóneltildi.
Prokýratýra ushý qaýipsizdigi týraly zańnamanyń oryndalýyn tekserýge kiristi" - dep jazady Sputnik Qazaqstan saity.
