فوتو: ايف-نوۆوسيبيرسك - ارگۋمەنتى ي فاكتى
سوچي – ومبى باعىتىندا ۇشقان "ۋرالسكيە اۆيالينيي" كومپانيياسىنىڭ Airbus A320 جولاۋشىلار ۇشاعى نوۆوسٸبٸر وبلىسىنىڭ ۋبينسك اۋدانىنداعى ەگٸس القابىنا شۇعىل قوندى. قازا بولعاندار مەن زارداپ شەككەندەر جوق.
ريا نوۆوستي اگەنتتٸگٸنٸڭ دەرەگٸنشە, تٶتەنشە جاعداي مەسكەۋ ۋاقىتىمەن ساعات 05.44-تە (استانا ۋاقىتىمەن 08.44) بولدى.
الدىن الا مەلٸمەت بويىنشا, ەۋە كەمەسٸ اپاتتى جاعداي تۋرالى دىبىستىق سيگنال بەرگەن, سودان كەيٸن راداردان جوعالىپ كەتكەن.
باق-تىڭ جازۋىنشا, ۇشاقتىڭ اپاتتى تٷردە قونۋىنا ۇشۋ كەزٸندە گيدراۆليكالىق جٷيەنٸڭ ٸستەن شىعۋى سەبەپ بولعان.
"ناقتىلانعان اقپارات بويىنشا ۇشاق بورتىندا 167 ادام بولعان, ونىڭ 23-ٸ بالا. سونداي-اق 6 ەكيپاج مٷشەسٸ بار" - دەلٸنگەن رەسەي تجم ايماق بويىنشا باسقارماسىنىڭ حابارلاماسىندا.
ال Baza تەلەگرام-كانالىنىڭ مەلٸمەتٸنشە, ۇشاق بورتىندا قازاقستاننىڭ تٶرت ازاماتى بولعان.
"بورتتاعىلاردىڭ بارلىعى ەۆاكۋاتسييالاندى, ەشكٸم زارداپ شەكپەدٸ. ولاردى دەرٸگەرلەر تەكسەردٸ, بٸراق ەشكٸمگە كٶمەك قاجەت بولمادى.
جەدەل قىزمەتتەر ۇشاقتىڭ ٶرتەنبەگەنٸن, جەردە دە ەشقانداي زاقىم كەلمەگەنٸن حابارلادى.
جولاۋشىلار جاقىن ماڭداعى ەلدٸ مەكەننٸڭ مەدەنيەت ٷيٸنە ۋاقىتشا ورنالاستىرىلدى. كٶمەك كٶرسەتۋ ٷشٸن ومبىدان ان-26 ۇشاعى شىقتى, تٶتەنشە جاعداي اۋماعىنا اۆتوبۋستار جٶنەلتٸلدٸ.
پروكۋراتۋرا ۇشۋ قاۋٸپسٸزدٸگٸ تۋرالى زاڭنامانىڭ ورىندالۋىن تەكسەرۋگە كٸرٸستٸ" - دەپ جازادى Sputnik قازاقستان سايتى.
