Reseidiń Hakasiia aimaǵynda "akkreditatsiiasyz jumys istedi' dep aiyptalyp, ustalǵan Qazaqstan azamaty Nazgúl Kenjetaidy Hakasiia respýblikasynyń Joǵarǵy soty qamaýdan bosatyp, elden baqylaýmen shyǵarý jóninde sheshim shyǵardy. Bul jóninde 24 jeltoqsanda Azattyq tilshisine advokat Aiaz Tiýndeshev habarlady, dep jazady Azattyq.
"Sot Abakan qalalyq sotynyń sheshimin ózgertip, Nazgúl men Emindi bosatýdy uiǵardy. Sot sheshimi ázirge qolymyzǵa timedi. Endi olar tym bolmaǵanda elden óz erkimen kete alady" dedi advokat.
Ázirge eki tilshi qamaýdan bosatylmaǵan. Advokattyń aitýynsha, olardy búgin, 24 jeltoqsanda bosatýy tiis.
Stambýl ýniversitetiniń magistranty, Qazaqstan azamaty Nazgúl Kenjetaidyń túrki halyqtary jaily film túsirý úshin Reseidiń Hakasiia aimaǵyna baryp, sol jaqta ustalǵany týraly aqparat bir kún buryn taraǵan. Onymen birge túrik basylymynyń operatory Emin Karachak ta ustalǵan.
Resei jaǵy olardy jýrnalist bola tura akkreditatsiiasyz jumys istedi dep aiyptap, Abakan qalalyq soty 17 jeltoqsanda deportatsiialaý týraly sheshim shyǵarǵan edi. Sot sheshimimen kelispegen tilshiler men qorǵaý taraby sheshimdi apelliatsiiaǵa bergen.
Buǵan deiin Nazgúl Kenjetai kameradaǵy nashar jaǵdaiǵa shaǵymdanǵan. Al advokaty politsiianyń olardy zańsyz ustaǵanyn aitqan. Osy aptada olarmen Qazaqstannyń Reseidegi konsýldyǵy ókilderi de kezdesken.
Týystarynyń aitýynsha, Stambýl ýniversitetinde magistratýrada oqityn Nazgúl Kenjetaidyń diplomdyq taqyryby – quryp bara jatqan az túrki halyqtarynyń bolmysymen bailanysty bolǵandyqtan ol túrik áriptesi Eminmen birge buǵan deiin Iakýtiiaǵa saparlaǵan. Aqparatqa qaraǵanda, ol jerde de eki tilshi "Reseige kirý erejesin buzdy" dep aiyptalyp, aiyppul alǵan.
Túrik aqparat quraldarynyń jazýynsha, eki tilshiniń ustalýyna qatysty aqparat taratqan keibir Resei basylymdary "Kenjetai men Karachak tyńshylyqpen ainalysyp, Reseige qarsy úgit-nasihat júrgizdi, túrki halyqtary Reseide nashar jaǵdaida ómir súrip jatyr dep kórsetkisi keledi jáne islamdy taratyp júr" dep olardy negizsiz aiyptaǵan.
Copyright (c) 2013. RFE/RL, Inc. Reprinted with the permission of Radio Free Europe/Radio Liberty, 1201 Connecticut Ave., N.W. Washington DC 20036.
