رەسەيدٸڭ حاكاسييا ايماعىندا "اككرەديتاتسيياسىز جۇمىس ٸستەدٸ' دەپ ايىپتالىپ, ۇستالعان قازاقستان ازاماتى نازگٷل كەنجەتايدى حاكاسييا رەسپۋبليكاسىنىڭ جوعارعى سوتى قاماۋدان بوساتىپ, ەلدەن باقىلاۋمەن شىعارۋ جٶنٸندە شەشٸم شىعاردى. بۇل جٶنٸندە 24 جەلتوقساندا ازاتتىق تٸلشٸسٸنە ادۆوكات اياز تيۋندەشەۆ حابارلادى, دەپ جازادى ازاتتىق.
"سوت اباكان قالالىق سوتىنىڭ شەشٸمٸن ٶزگەرتٸپ, نازگٷل مەن ەميندٸ بوساتۋدى ۇيعاردى. سوت شەشٸمٸ ەزٸرگە قولىمىزعا تيمەدٸ. ەندٸ ولار تىم بولماعاندا ەلدەن ٶز ەركٸمەن كەتە الادى" دەدٸ ادۆوكات.
ەزٸرگە ەكٸ تٸلشٸ قاماۋدان بوساتىلماعان. ادۆوكاتتىڭ ايتۋىنشا, ولاردى بٷگٸن, 24 جەلتوقساندا بوساتۋى تيٸس.
ستامبۋل ۋنيۆەرسيتەتٸنٸڭ ماگيسترانتى, قازاقستان ازاماتى نازگٷل كەنجەتايدىڭ تٷركٸ حالىقتارى جايلى فيلم تٷسٸرۋ ٷشٸن رەسەيدٸڭ حاكاسييا ايماعىنا بارىپ, سول جاقتا ۇستالعانى تۋرالى اقپارات بٸر كٷن بۇرىن تاراعان. ونىمەن بٸرگە تٷرٸك باسىلىمىنىڭ وپەراتورى ەمين كاراچاك تا ۇستالعان.
رەسەي جاعى ولاردى جۋرناليست بولا تۇرا اككرەديتاتسيياسىز جۇمىس ٸستەدٸ دەپ ايىپتاپ, اباكان قالالىق سوتى 17 جەلتوقساندا دەپورتاتسييالاۋ تۋرالى شەشٸم شىعارعان ەدٸ. سوت شەشٸمٸمەن كەلٸسپەگەن تٸلشٸلەر مەن قورعاۋ تارابى شەشٸمدٸ اپەللياتسيياعا بەرگەن.
بۇعان دەيٸن نازگٷل كەنجەتاي كامەراداعى ناشار جاعدايعا شاعىمدانعان. ال ادۆوكاتى پوليتسييانىڭ ولاردى زاڭسىز ۇستاعانىن ايتقان. وسى اپتادا ولارمەن قازاقستاننىڭ رەسەيدەگٸ كونسۋلدىعى ٶكٸلدەرٸ دە كەزدەسكەن.
تۋىستارىنىڭ ايتۋىنشا, ستامبۋل ۋنيۆەرسيتەتٸندە ماگيستراتۋرادا وقيتىن نازگٷل كەنجەتايدىڭ ديپلومدىق تاقىرىبى – قۇرىپ بارا جاتقان از تٷركٸ حالىقتارىنىڭ بولمىسىمەن بايلانىستى بولعاندىقتان ول تٷرٸك ەرٸپتەسٸ ەمينمەن بٸرگە بۇعان دەيٸن ياكۋتيياعا ساپارلاعان. اقپاراتقا قاراعاندا, ول جەردە دە ەكٸ تٸلشٸ "رەسەيگە كٸرۋ ەرەجەسٸن بۇزدى" دەپ ايىپتالىپ, ايىپپۇل العان.
تٷرٸك اقپارات قۇرالدارىنىڭ جازۋىنشا, ەكٸ تٸلشٸنٸڭ ۇستالۋىنا قاتىستى اقپارات تاراتقان كەيبٸر رەسەي باسىلىمدارى "كەنجەتاي مەن كاراچاك تىڭشىلىقپەن اينالىسىپ, رەسەيگە قارسى ٷگٸت-ناسيحات جٷرگٸزدٸ, تٷركٸ حالىقتارى رەسەيدە ناشار جاعدايدا ٶمٸر سٷرٸپ جاتىر دەپ كٶرسەتكٸسٸ كەلەدٸ جەنە يسلامدى تاراتىپ جٷر" دەپ ولاردى نەگٸزسٸز ايىپتاعان.
Copyright (c) 2013. RFE/RL, Inc. Reprinted with the permission of Radio Free Europe/Radio Liberty, 1201 Connecticut Ave., N.W. Washington DC 20036.
