Riazan qalasy mańyndaǵy áskeri bólimniń aýmaǵynda snariadtar qoimasy órtendi, dep habarlaidy TASS agenttigi.
Reseidiń Batys áskeri okrýgi baspasóz qyzmetiniń málimetinshe, órt Jeltýhino eldi mekeni mańyndaǵy qoimada jana bastaǵan shópten taralǵan.
«Qatty jel soǵyp, órt artilleriialyq oq-dárilerdi saqtaý alańyna jaiyldy. Áskeri bólimniń shtattyq órt sóndirý bólimi otpen kúresip baqty, alaida órtti toqtatý múmkin emes edi. Qazirgi ýaqytta áskeri bólimniń tehnikalyq aýmaǵynda oq-dárilerdiń jarylyp jatqanyn baiqaýǵa bolady», - dedi baspasóz qyzmeti.
Órt kezinde eshkim zardap shekken joq, qyzmetkerler men jeke quram evakýatsiialandy. Qazir TJM kelgen órt sóndirý toptarymen birge órtti oqshaýlaý jáne sóndirýge kiristi.
Kýágerdiń aitýynsha janyp jatqan qoimalardan úsh shaqyrym jerde ornalasqan Kýzminka-2 aýylynyń turǵyndary evakýatsiialanǵan.
«Jarylystarǵa bailanysty Kýzminka-2 eldi mekeniniń turǵyndary evakýatsiialandy. Aýylda barlyǵy 35 úi bar, onda 24 adam turady», - deidi aýyl basshysy.
