Reseide oppozitsiialyq saiasatker Aleksei Navalnyi terrorister men ekstremister tizimine engizildi, dep habarlaidy Azattyq radiosy.
Tizimge sonymen birge saiasatkerdiń jaqtastary men úzeńgiles áriptesteri, atap aitqanda, Jemqorlyqpen kúres qorynyń zańgeri - Liýbov Sobol, qor qyzmetkerleri - Georgii Albýrov pen Rýslan Shaveddinov, shtabtyń Ýfadaǵy burynǵy úilestirýshisi - Liliia Chanysheva, shtabtyń Irkýtskidegi bólimshesiniń burynǵy úilestirýshisi Zahar Sarapýlov ta qosylǵan.
Byltyr qyrkúiek aiynyń sońynda tergeý komiteti Navalnyiǵa qylmystyq is qozǵap, "ekstremistik uiym qurdy jáne jetekshilik etti" (282.1-bap, 1-bóligi ) dep aiyp taqqan. Bul iske saiasatkerler Leonid Volkov pen Ivan Jdanov ta tartylǵan.
- Eske sala keteiik, byltyr 17 qańtarda Aleksei Navalnyi emdelgennen keiin Germaniiadan Máskeýge oralǵan. Kele sala saiasatker birden qamaýǵa alyndy, artynsha 2014 jylǵy qylmystyq is boiynsha túrmege jabyldy. Eýropa soty atalǵan istiń zańsyz ekenin aitqan.
- Navalnyi bir jyl túrmede otyrǵan kezde bilik oppozitsionermen bailanysty-derlik saiasi qurylymdardyń bárin japty. Saiasatkerdiń shtaby men Jemqorlyqpen kúres qory Reseide "ekstremistik uiym" dep tanylyp, qyzmetine tyiym salyndy. Qazir uiymnyń ondaǵan múshesi shetelde nemese qamaýda otyr. Navalnyidyń ústinen taǵy birneshe qylmystyq is qozǵalǵan.
- AQSh pen Ulybritaniia jáne EO oppozitsiialyq saiasatkerdiń qýdalanýyna bailanysty Reseige aýyr sanktsiia salamyz dep málimdegen. Alaida aqyry birneshe jeke tulǵa men "Navalnyiǵa ý berýge qatysy bar" jekelegen tulǵalarǵa ǵana sanktsiiamen shekteldi.
- The Insider, Bellingcat jáne CNN tilshilerinen quralǵan zertteý toby Navalnyidy FSB-ǵa qaraityn kriminalistika institýtynyń segiz qyzmetkeri ýlaǵan bolýy múmkin degen qorytyndyǵa kelgen. Navalnyidyń ózi men jaqtastary oqiǵaǵa Kremldi kinálaǵan. Máskeý muny joqqa shyǵarǵan.
