Dárigerler Máskeýde koronavirýs juqtyrǵan bes patsientten «Kentavr» degen kishi túrin tapty.
Barlyq naýqastarda aýrý jeńil túrde ótip jatyr. Naýqastar arasynda aýrýhanaǵa jatqyzylǵandar joq, dep habarlaidy QazAqparat.
QR Úkimeti janyndaǵy Qazaqstanda koronavirýstyń taralýyna jol bermeý jónindegi vedomstvoaralyq komissiiasynyń málimetterine qaraǵanda, sońǵy eki aptada Reseide anyqtalǵan koronavirýs infektsiiasyn juqtyrý jaǵdailarynyń ishinde «Omikronnyń» kishi túrleri - BA.4 jáne BA.5 shtamdarynyń úlesi 51,76%-ke jetti. Omikron shtamynyń ózi 1,85%-inde, Delta nusqasy 0,73%-inde anyqtalǵan.
«Kentavr» - koronavirýstyń «omikron» shtamynyń jańa kishi túri. Bul koronavirýstyq mýtatsiia Úndistanda jáne kem degende on elde, sonyń ishinde Niderlandy, Avstraliia, Germaniia, Ulybritaniia, AQSh jáne Kanadada tabyldy.
Aqqýlar koronavirýsyn juqtyrý jaǵdaiy alǵash ret Qytaidaǵy Tsziansi provintsiiasynda tirkeldi.
AQSh biologiia ǵylymdarynyń doktory qustardaǵy koronavirýsty anyqtaý COVID-19-da odan da qaýipti mýtatsiiaǵa ákelýi múmkin dep eskertti.
«Sonymen qatar, qonys aýdaratyn qustardyń ómir saltyna bailanysty aqqýlar qysqa merzimde bul mýtatsiialardyń keń qashyqtyqqa taralýyna yqpal etýi múmkin. Ǵalymdar koronavirýs infektsiiasynan qorǵanýdyń jalǵyz ádisi - vaktsinatsiia ekenin aitady», - delingen habarlamada.
