Ýkraina shekarasyna jaqyn Novoshahtinsk qalasyndaǵy reseilik munai óńdeý zaýytynda órt shyqty, - dep habarlaidy Tengrinews.kz tilshisi Reuters agenttigine silteme jasap.
Jelide oqiǵanyń videosy tarady. Kadrlardan ushqyshsyz basqarylatyn ushaqtyń zaýytqa qalai soǵylǵanyn kórýge bolady.
Nazar aýdaryńyz, videoda bylapyt sózder aitylǵan!
"Saǵat 9:25-te Krasnosýlin aýdanynda ornalasqan Novoshahtinsk munai ónimderi zaýytynyń AVT-1 (jylý almastyrǵysh) qondyrǵysynda, FAD A-270, 882-shaqyrymda órt shyqqany týraly aqparat kelip tústi. Qaza tapqandar men zardap shekkender joq", - delingen oblys boiynsha TJM habarlamasynda.
Sondai-aq, munai óńdeý zaýytyndaǵy órt aýmaǵy 50 sharshy metr bolǵany, órttiń taralý qaýpi joq ekeni aitylǵan.
"Novoshahtinskii munai ónimderi zaýyty" - Rostov oblysynda jumys istep turǵan jalǵyz munai óńdeý zaýyty. Zaýyt mazýt, pesh, kemege otyn jáne dizel otynyn, benzin óndirýge mamandandyrylǵan.
