Reseidegi birqatar óńirlerdegi mektep oqýshylary 1 mamyrdan bastap nemese mamyrdaǵy merekelerden keiin merziminen buryn kanikýlǵa shyǵady, dep habarlaidy TASS.
RF Bilim ministrligi 14 naýryzda óńirlerge koronavirýstyń aldyn alý úshin qashyqtan oqýǵa kóshýge keńes berdi. Sáýir aiynyń basynda ministrlik qajet bolǵan jaǵdaida birinshi synyptan segizinshi synypqa deiingi oqýshylar úshin oqý jylyn merziminen buryn aiaqtaýǵa, onynshy synyp oqýshylaryn 30 mamyrǵa deiin kanikýlǵa jiberýge, al toǵyzynshy jáne on birinshi synyptardy emtihandarǵa 5 maýsymǵa deiin daiyndaýǵa ruqsat berdi. Oqýshylar aiaqtalǵan toqsannyń nátijeleri boiynsha baǵalanýy tiis, al ótpei qalǵan oqý materialdary kelesi kúzge qaldyryldy.
Kareliiada 1 mamyrdan bastap bastaýysh synyp oqýshylary demalady. Sonymen qatar, Habarovsk ólkesinde birinshi synyptan tórtinshi synypqa deiingi oqýshylar sáýir aiynan bastap demalysqa jiberildi, al 1 mamyrdan bastap 4-7 synyp oqýshylary úshin demalys bastalady. Kabardino-Balkariiada, sondai-aq Ýlianov oblysy men Altai Respýblikasynda 1 mamyrdan bastap 1-8 synyp oqýshylary demalysqa shyǵady. Saratov oblysy men Chývashiia Respýblikasynda segizinshi synypqa deiingi balalarǵa demalys mamyr merekelerinen keiin bastalady.
