Reseide koronavirýstyń "stels omikron" úlesi barlyq aimaqta anyqtaldy jáne onyń taralýy qarqynmen artýda. Bul týraly Qazaqstanda COVID-19 qarsy vedomstvoaralyq komissiianyń Telegram-kanalynda málim etildi, dep habarlaidy QazAqparat.
Ońtústik Koreia COVID-19 taralýyna bailanysty engizilgen vizasyz rejimniń toqtatylýyn alyp tastady. Vizaǵa ruqsatty 46 eldiń azamattary ala alady. Olar 2022 jyldyń 1 sáýirinen bastap qysqa merzimge vizasyz kirýge quqyly. Kelýshiler Ońtústik Koreiada úzilissiz 60 kúnnen aspaityn merzimde bola alady. Sondai-aq 180 kún ishinde bolý ýaqyty 90 kúnnen aspaýy shart. Alaida, týrizm úshin elge kirýge áli tyiym salynǵan: oqýǵa, emdelýge nemese shuǵyl gýmanitarlyq maqsattarǵa barýǵa ǵana ruqsat etiledi.
Koronavirýstyń jańa shtamy Reseidiń barlyq aimaǵynda anyqtaldy jáne onyń úlesi ósýde. Rospotrebnadzordyń málimetinshe, "stels omikron" úlesi turaqty artyp keledi. Máselen, Reseidiń ortalyq bóliginde anyqtalǵan barlyq jańa jaǵdaidyń jartysynan kóbi – «omikronnyń» osy nusqasy. Sonymen qatar, ǵalymdardyń paiymynsha, indettiń kúrt ósýi kútilmeidi. Óitkeni halyqtyń kóp bóligi vaktsinatsiia jasatqan nemese koronavirýspen aýyrǵannan keiin immýnitet qalyptasqan.
