Resei Federatsiiasynda kóktemde koronavirýs aýrýynyń ósýi bolmaidy. Bul týraly Rospotrebnadzor epidemiologiia Ortalyq ǵylymi-zertteý institýty direktorynyń ǵylymi jumystar jónindegi orynbasary Aleksandr Gorelov aitty, dep habarlaidy TASS agenttigi.
«Kúzde ortasha ósý kezeńi boldy, qazir epidemiialyq protsesti turaqtandyrý kezeńi ótýde, ol ádette eki aiǵa sozylady. Sodan keiin kóktemde de bolatyn turaqty quldyraý kezeńi ótedi. Al kóktemde aýrý deńgeii dástúrli túrde tómen bolady. Biz mundai immýndyq qabatpen nólge túspeimiz», - dedi ol.
Aldaǵy kúzgi epidemiialyq maýsym týraly suraqqa jaýap bergen Gorelov «ol tynysh ótpeidi» dep atap ótti. Onyń aitýynsha, tumaýdyń kez-kelgen túri bolǵan jaǵdaida, infektsiia adamdar arasynda tarala bastaidy. «Biz tek tumaýdy baqylaý týraly ǵana aita alamyz, ol úshin vaktsinalar bar jáne koronavirýsty baqylaýǵa alýǵa úlgeremiz dep úmittenemiz», - dep túsindirdi sarapshy.
Gorelov sonymen qatar qalada aýrýdyń taralý indeksi 0,7-den az bolǵan jaǵdaida ǵana koronavirýstyq shekteýlerdi alyp tastaýǵa bolatynyn atap ótti.
Koronavirýs pandemiiasy bastalǵaly álemde 102,5 millionnan astam adam aýrýǵa shaldyqqan. 2,2 millionnan astam adam kóz jumǵan. Reseide koronavirýspen kúres jónindegi federaldy jedel shtabtyń málimeti boiynsha aýrý juqtyrýdyń 3 850 439 jaǵdaiy tirkelgen, 3 300 004 adam saýyǵyp shyqqan, 73 182 naýqas qaitys bolǵan. Resei úkimeti eldegi jaǵdai týraly habarlaý úshin stopkoronavirýs.rf resýrsyn iske qosqan bolatyn.
