Reseide koronavirýstan táýlik ishinde kóz jumǵandar sany 791 adamǵa jetken. Keshe 786 adam boldy. Bul – pandemiia bastalǵaly elde tirkelgen eń úlken san, dep habarlaidy "Ult aqparat" Reseidiń TASS aqparat agenttigine silteme jasap.
Reseidiń jańa aýrýmen kúres júrgizý jónindegi federaldyq shtab málimentishe, shartty ólim deńgeii (sońǵysy kórsetkish tek pandemiia aiaqtalǵan soń ǵana anyqtala alady) 2,48%-dy qurap otyr.
Táýlik ishinde Sankt-Peterborda 108 ólim oqiǵasy, Irkýtsk oblysynda – 33 ólim oqiǵasy, Nijegorod oblysynda – 26, Krasnodar ólkesinde – 25, Voronej oblysynda 23 ólim oqiǵasy tirkelgen.
Koronavirýs juqtyrýdyń rastalǵan oqiǵalarynyń sany bir táýlikte 25 293-ke kóbeiip, 5 882 295 oqiǵaǵa deiin jetken.
Salystyrmaly mánde aýrýǵa shaldyqqandar sanynyń ósimi 0,43%-dy quraǵan. Atap ótkende, táýlik ishinde Máskeý oblysynda aýrý juqtyrýdyń 2 444 oqiǵasy, Sankt-Peterborda – 1 954 oqiǵa, Nijegorod oblysynda 528, Sverdov oblysynda – 484, Krasnoiar ólkesinde 468 oqiǵa anyqtaldy.
Qazirgi kezde Reseide 457 250 adam em alyp jatyr. Máskeýde koronavirýs infektsiiasyn juqtyrǵandar sany bir táýlikte 5 237 adamǵa jetip (bir kún burynǵy kórsetkish - 3 966 adam),jalpy sany 1 448 835 adam boldy.
Shtab málimentishe, aýrýǵa shaldyqqandardyń sanynyń ósimi salystyrmaly mánde 0,36%-dy quraǵan. Máskeýde qaýipti virýstan bolǵan ólim-jitim sany táýlik ishinde 101-ge jetip (bir kún buryn 109), jalpy sany 24 068 adam boldy.
Eske salsaq, Reseide qaýipti virýstan kóz jumǵandar sany birneshe kún qatarynan rekord ornatýda. Jáne Reseide koronavirýs juqtyrǵandar sany ósip, álemde tórtinshi orynǵa kóterildi
