Ekpe alýǵa tilek bildirýshi halyqtyń barlyq sanatyn jappai vaktsinalaý Resei aimaqtarynda 18 qańtardan bastalady.
Reseilikter tirkelgen eki vaktsinanyń birin – «Spýtnik V» nemese «Epivakkoronany» tegin saldyra alady, dep habarlaidy reseilik TASS agenttigi.
Resei Federatsiiasynyń prezidenti Vladimir Pýtin 2020 jyldyń 10 jeltoqsanynda bastalǵan aýqymdy vaktsinalaýdan jappai vaktsinatsiiaǵa ótýdi 13 qańtarda tapsyrǵan bolatyn. Sol kezde infektsiiamen kúres jónindegi jedel shtabty basqaratyn vitse-premer Tatiana Golikova 18 qańtardan bastap elde aýqymdy vaktsinalaýdan jappai vaktsinalaýǵa kóshýge bári daiyn ekenin aitty.
Onyń sózinshe, koronavirýs infektsiiasyna qarsy vaktsinanyń shamamen 2,1 million dozasy qańtar aiynyń sońyna deiin Reseide azamattyq ainalymǵa túsedi. Vitse-premer sonymen qatar Reseide halyqtyń immýnitet deńgeiine qaramastan, halyqty koronavirýsqa qarsy tegin vaktsinalaý úshin resýrstar bar ekenin atap ótti. Eń bastysy, Resei azamattary vaktsinalaýǵa kelýge, sondai-aq «ásirese qazirgi jaǵdaida óte mańyzdy bolyp tabylatyn qaýipsizdik sharalaryn saqtaýǵa» niet bildirdi dedi Golikova.
Qazirgi ýaqytta Resei Federatsiiasynda koronavirýsqa qarsy eki vaktsina tirkelgen: Gamaleia institýty jasaǵan «Sputnik V» jáne «Vektor» ǵylymi ortalyǵy jasaǵan «Epivakkorona». Taǵy bir vaktsinany V.I.Chýmakov atyndaǵy immýnobiologiialyq preparattardy zertteý jáne damytý jónindegi federaldy ǵylymi ortalyq jasady.
