Reseide koronavirýs infektsiiasyn juqtyrý jaǵdaiy kún sanap nasharlaýda. Bul týraly eldiń Sanitariialyq-epidemiologiialyq baqylaý komiteti habarlady.
Sankt-Peterbýrgte infektsiia juqtyrý oqiǵalary sanynyń óskeni sonshalyq, infektsiialyq aýrýhanalardaǵy palatalar sanynyń tapshylyǵy baiqalýda. Sońǵy táýlikte koronovirýstyq infektsiianyń 1019 jańa jaǵdaiy tirkelgen.
Qalada virýstyq infektsiiaǵa shaldyqqan naýqastarǵa arnalǵan aýrýhanalarda 9000-nan astam oryn uiymdastyrylsa, olardyń 90%-y bos emes. Osylaisha, shaharda №15 aýrýhanadaǵy infektsiialyq bólimde oryndar jetispegendikten, naýqastastar edenge jatqyzylýda.
Qaladaǵy jaǵdaidyń kúrdelene túsýine úndistandyq Delta shtammynyń paida bolýy, sonymen qatar, adamdardyń vaktsina saldyrýdan bas tartýy jáne karantin shekteýleriniń saqtalmaýy sebep.
Koronavirýstyq infektsiiany juqtyrý oqiǵalary sanynyń artýyna bailanysty reseilik ǵalymdar 30 maýsymnan bastap elde infektsiialyq aýrýdy juqtyrý derekteriniń eń joǵarǵy kórsetkishi mániniń shekten asýyn boljaidy.
Sankt-Peterbýrg memlekettik ýniversitetiniń matematikteriniń boljaýynsha, osy aidyń sońynan bastap koronavirýstyq infektsiiany táýligine 20 000-nan astam adam juqtyrýy múmkin.
