Elorda politseileri jedel-izdeý sharalaryn ótkizý barysynda halyqaralyq izdeýde bolǵan qylmyskerdi ustady, dep habarlaidy "Ult aqparat" Nur-Sultan qalasynyń politsiia departamentiniń baspasóz qyzmetine silteme jasap.
33 jastaǵy Resei azamaty 2011 jyly Sankt-Peterbor qalasynda bireýge aýyr jaraqat salyp, saldarynan sol adam kóz jumǵan.
Qylmystyq qýdalaýdan qashyp júrgen er adam 10 jyl boiy izdeýde boldy. Ol sońǵy jyldary Qazaqstanda turyp kelgen, jalǵan qujatqa qol jetkizip, bóten esimmen ómir súrgen. Otbasyn quryp, elorda meiramhanalarynyń birinde shef aspaz bolyp qyzmet etken.
Ustaý kezinde er adam óziniń aty-jónin jasyrýǵa tyrysty. Alaida politsiia onyń saýsaq izderin salystyryp, onyń kúdikti ekenin rastady. Ol RF Qylmystyq kodeksiniń 111-baby 4-bólimi boiynsha adam ólimine ákelip soqtyrǵan densaýlyqqa qasaqana aýyr ziian keltirý qylmysyn jasady aiyptalyp otyr. Oǵan izdestirýdi Sankt-Peterbor qalasynyń ishki ister basqarmasy jariialaǵan.
Qazirgi kezde er adam elorda politsiia departamentiniń ýaqytsha ustaý oqshaýlaǵyshyna qamaldy, ony Reseige ekstraditsiialaý máselesi qarastyrylyp jatyr.
