ەلوردا پوليتسەيلەرٸ جەدەل-ٸزدەۋ شارالارىن ٶتكٸزۋ بارىسىندا حالىقارالىق ٸزدەۋدە بولعان قىلمىسكەردٸ ۇستادى, دەپ حابارلايدى "ۇلت اقپارات" نۇر-سۇلتان قالاسىنىڭ پوليتسييا دەپارتامەنتٸنٸڭ باسپاسٶز قىزمەتٸنە سٸلتەمە جاساپ.
33 جاستاعى رەسەي ازاماتى 2011 جىلى سانكت-پەتەربور قالاسىندا بٸرەۋگە اۋىر جاراقات سالىپ, سالدارىنان سول ادام كٶز جۇمعان.
قىلمىستىق قۋدالاۋدان قاشىپ جٷرگەن ەر ادام 10 جىل بويى ٸزدەۋدە بولدى. ول سوڭعى جىلدارى قازاقستاندا تۇرىپ كەلگەن, جالعان قۇجاتقا قول جەتكٸزٸپ, بٶتەن ەسٸممەن ٶمٸر سٷرگەن. وتباسىن قۇرىپ, ەلوردا مەيرامحانالارىنىڭ بٸرٸندە شەف اسپاز بولىپ قىزمەت ەتكەن.
ۇستاۋ كەزٸندە ەر ادام ٶزٸنٸڭ اتى-جٶنٸن جاسىرۋعا تىرىستى. الايدا پوليتسييا ونىڭ ساۋساق ٸزدەرٸن سالىستىرىپ, ونىڭ كٷدٸكتٸ ەكەنٸن راستادى. ول رف قىلمىستىق كودەكسٸنٸڭ 111-بابى 4-بٶلٸمٸ بويىنشا ادام ٶلٸمٸنە ەكەلٸپ سوقتىرعان دەنساۋلىققا قاساقانا اۋىر زييان كەلتٸرۋ قىلمىسىن جاسادى ايىپتالىپ وتىر. وعان ٸزدەستٸرۋدٸ سانكت-پەتەربور قالاسىنىڭ ٸشكٸ ٸستەر باسقارماسى جارييالاعان.
قازٸرگٸ كەزدە ەر ادام ەلوردا پوليتسييا دەپارتامەنتٸنٸڭ ۋاقىتشا ۇستاۋ وقشاۋلاعىشىنا قامالدى, ونى رەسەيگە ەكستراديتسييالاۋ مەسەلەسٸ قاراستىرىلىپ جاتىر.
