2019 jyldyń bes aiynyń esebine sáikes Resei halqynyń sany 180,4 myń adamǵa azaiǵan. Bul týraly TASS agenttigi habarlady.
Reseidiń Federaldyq memlekettik statistika qyzmetiniń deregine qaraǵanda, byltyr alǵashqy bes aida Resei halqy 147,2 myń adamǵa qysqarǵan. Iaǵni, biylǵy halyq sanynyń kemýi byltyrǵydan 33 myń adamǵa kóp.
Vedomstvonyń málimdeýinshe, 2019 jyldyń alǵashqy bes aiynda 600 myń adam týyp, 780 myń adam ómirden ozǵan.
Budan buryn RF vitse-premeri Tatiana Golikova Reseide halyq sany toqtaýsyz azaiyp jatqandyǵyn aityp, dabyl qaqqan bolatyn. Onyń aitýynsha, elde týý kórsetkishi edáýir kemigen, al ólim-jitimdi azaitýdyń amaly tabylmai otyr.
