Reseide tabysy kedeilik sheginen tómen turǵyndar sany taǵy da kóbeidi. Bul týraly málimetti Rosstat mekemesi 27 tamyzda resmi saitynda jariialaǵan.
Mekemeniń habarlaýynsha, 2019 jylǵy ekinshi toqsanda Reseide kedeilik sheginen (11185 rýbl) tómen tabysqa ómir súrip jatqan turǵyndar sany 18,6 millon adamdy quraǵan. Bul - Resei turǵyndarynyń 12,7 paiyzyna teń. Ótken jyldyń birinshi toqsanynda Reseide mundai adamdar sany 12,5 paiyz bolǵan.
Rosstat kedeiler sanynyń kóbeiýin infliatsiianyń ósýimen (resmi kórsetkish jylyna 5 paiyzdy quraidy) túsindiredi.
Osydan eki kún burny Resei Prezidenti Vladimir Pýtin reseilikterdiń shynaiy tabysy "tym baiaý" ósip jatyr dep málimdegen. Buǵan deiin kei ekonomister turǵyndar arasynda tabysy kóbeimegender baryn aitqan bolatyn.
Resei halyq sharýashylyǵy akademiiasynyń málimetinshe, qazirgi kezde turmysy óte kedei turǵyndardyń úlesi 22 paiyzdy quraidy. Al 5,6 paiyzy isher asqa jarymai otyr.
Rosstat mekemesiniń dereginshe, Reseidegi jasy 18-ge tolmaǵan balalardyń 26 paiyzy kedei otbasynda ómir súrip jatyr. Ádette aýyldy jerde turatyn jáne kóp balaly otbasylarda osyndai jaǵdai jii ushyrasady. "Levada" ortalyǵynyń biylǵy mamyrdaǵy dereginshe, reseilikterdiń 65 paiyzy "eshqandai" qarjy qory joq ekenin aitqan.
