Resei Federatsiiasynyń Riazan oblysy Qasym qalasynda Joshy ulysynan shyqqan Oraz-Muhammed sultanǵa memorialdy taqta ornatylady. Bul týraly "Ult aqparat" Reseidegi Qazaqstan elshiliginiń baspasóz qyzmetine silteme jasap habarlaidy.
Saltanatty shara 15 qarasha kúni Reseidiń mádeni muralar nysanyna engen Afgan-Mýhammed sultanynyń kesenesine jaqyn jerdegi Eski tatar ziratynda ótedi.
Qasym handyǵyn basqarǵan Oraz-Muhammed sultanǵa eskertkish taqta ornatý ideiasynyń avtory – Resei Federatsiiasyndaǵy Qazaqstan Respýblikasynyń Tótenshe jáne Ókiletti Elshisi Imanǵali Tasmaǵambetov.
«Riazan oblysynyń ákimshiligi, Qazaqstan Respýblikasynyń basshylyǵy Qazaqstan diplomatiialyq ókildigimen birlesip, Uly otandasymyzdy eske alýǵa arnalǵan sharalar uiymdastyrýda. Bul - týrister men tarihqa qyzyǵýshylyǵy joǵary azamattar úshin keremet nysandardyń biri bolary sózsiz», - delingen habarlamada.
Memorialdyq taqtany jasaý úshin tabiǵi qońyr tústi granit paidalanyldy. Eskertkishtiń biiktigi úsh metr, tóbesine doǵal kúmbez ornatylǵan. Estelik taqtaǵa «Oraz-Muhammed Ońdanuly, 1573-1610. Qazaq sultany, Qasym handyǵyn bileýshi» dep jazylǵan.
Eske salaiyq, 2019 jyldyń qazanynda Qazaqstan jurtshylyǵy Oraz-Muhammed hannyń týǵanyna 447 jyl tolýyn atap ótti.
Mamandar Qasym handyǵynyń mádenieti men tarihyn biregei dep sanaidy. Bul erekshe memleket XV ǵasyrda qurylǵan. Ol birneshe ǵasyr boiy Máskeý memleketiniń múddesi aiasynda bolyp, orys tarihyndaǵy kóptegen eleýli oqiǵaǵa yqpal etken.
