Reseidiń Omby oblysynda Qazaqstan kinosynyń IV festivali bastaldy, dep habarlaidy "Ult aqparat" QR-nyń Reseidegi Elshiligine silteme jasap.
Biylǵy festival Ombyda 6-7 qarasha kúnderi ótetin Qazaqstan-Resei Óńiraralyq yntymaqtastyǵynyń forýmyna arnaldy.
«Vavilon» kinoteatrynda ashylǵan saltanatty sharada barysynda «Mahabbat» shyǵarmashylyq ortalyǵynyń tárbielenýshileri qazaq tilinde án shyrqap, óleńder oqydy. Qonaqtarǵa ulttyq taǵam – baýyrsaq taratyldy.
Festival 5 qarashaǵa deiin jalǵasady. Seanstarǵa tegin tirýge bolady. Kórermenderge tarihi oqiǵalar negizinde túsirilgen «Altyn taq», «Talan» filmderi kórsetiledi, al balalar «Muzbalaq», «Kúltegin» mýltfilmderin tamashalai alady.
«Biz Qazaqstandy, qazaq tilin, mádenietin súietinderdiń barlyǵyn shaqyramyz. Filmder orys tilinde de, qazaq tilinde de kórsetiledi. Mindetti túrde sýbtitr bolady. Kino arqyly Qazaqstan koloritin, halyqtyń mádenietin kórsetkimiz keledi. Filmderdiń barlyǵy izgilikke, Otanǵa degen súiispenshilikke, halqyn, tilin súiýge arnalǵan», - deidi Omby oblystyq qazaq qoǵamdyq birlestikteri úilestirý keńesiniń basshysy Janat Bekmaǵambetov.
