رەسەيدٸڭ ومبى وبلىسىندا قازاقستان كينوسىنىڭ IV فەستيۆالٸ باستالدى, دەپ حابارلايدى "ۇلت اقپارات" قر-نىڭ رەسەيدەگٸ ەلشٸلٸگٸنە سٸلتەمە جاساپ.
بيىلعى فەستيۆال ومبىدا 6-7 قاراشا كٷندەرٸ ٶتەتٸن قازاقستان-رەسەي ٶڭٸرارالىق ىنتىماقتاستىعىنىڭ فورۋمىنا ارنالدى.
«ۆاۆيلون» كينوتەاترىندا اشىلعان سالتاناتتى شارادا بارىسىندا «ماحاببات» شىعارماشىلىق ورتالىعىنىڭ تەربيەلەنۋشٸلەرٸ قازاق تٸلٸندە ەن شىرقاپ, ٶلەڭدەر وقىدى. قوناقتارعا ۇلتتىق تاعام – باۋىرساق تاراتىلدى.
فەستيۆال 5 قاراشاعا دەيٸن جالعاسادى. سەانستارعا تەگٸن تٸرۋگە بولادى. كٶرەرمەندەرگە تاريحي وقيعالار نەگٸزٸندە تٷسٸرٸلگەن «التىن تاق», «تالان» فيلمدەرٸ كٶرسەتٸلەدٸ, ال بالالار «مۇزبالاق», «كٷلتەگٸن» مۋلتفيلمدەرٸن تاماشالاي الادى.
«بٸز قازاقستاندى, قازاق تٸلٸن, مەدەنيەتٸن سٷيەتٸندەردٸڭ بارلىعىن شاقىرامىز. فيلمدەر ورىس تٸلٸندە دە, قازاق تٸلٸندە دە كٶرسەتٸلەدٸ. مٸندەتتٸ تٷردە سۋبتيتر بولادى. كينو ارقىلى قازاقستان كولوريتٸن, حالىقتىڭ مەدەنيەتٸن كٶرسەتكٸمٸز كەلەدٸ. فيلمدەردٸڭ بارلىعى ٸزگٸلٸككە, وتانعا دەگەن سٷيٸسپەنشٸلٸككە, حالقىن, تٸلٸن سٷيۋگە ارنالعان», - دەيدٸ ومبى وبلىستىق قازاق قوعامدىق بٸرلەستٸكتەرٸ ٷيلەستٸرۋ كەڭەسٸنٸڭ باسشىسى جانات بەكماعامبەتوۆ.
