Reseidiń Krymsk qalasynda 60 jastaǵy er adam saýda ortalyǵynyń janynan ótip bara jatqan adamdarǵa oq jaýdyrǵan. Qazirgi ýaqytta tórt adam qaza taýyp, bir adam jaralanǵany belgili, - dep habarlaidy Tengrinews.kz agenttigi.
Mash Telegram-arnasynyń málimetinshe, atys shyǵarǵan Vladimir Jirov jaqynda ǵana burynǵy áielimen úige talasyp sottasyp, sottan jeńilip qalǵanyn, odan keiin ósh alý maqsatynda áieliniń artynan ańdyp, osy saýda ortalyǵyna deiin qýyp kelgenin jazǵan.
Áiel saýda ortalyǵyna júgirip kirip, kómek suraǵan.
"Er adam áielge kómektesýge tyrysqan 3 adamdy atyp tastady", - delingen habarlamada.
Birqatar BAQ turǵyndarǵa oq atqan adamnyń ózi de ólgenin jazdy. Óńirlik prokýratýra tekseris júrgizip jatyr.
"Oqiǵa ornynda Krymsk aýdanaralyq prokýrorlary jumys istep, oqiǵanyń mán-jaiyn anyqtaý úshin tekserý júrgizip jatyr", - dep habarlady vedomstvo ókilderi.
