Reseidiń Federaldyq qaýipsizdik qyzmeti Vladikavkazda lańkestik árekettiń jolyn kesip, jarylys uiymdastyrmaq bolǵan «Islam memleketi» halyqaralyq terroristik uiymynyń (DAISh) múshesin ustady, – dep habarlaidy QazAqparat.
«Federaldyq qaýipsizdik qyzmeti Vladikavkazda lańkestik árekettiń jolyn kesti. Ótkizilgen sharalardyń nátijesinde 1990 jyly týǵan Resei azamaty ustaldy. Ol ákimshilik ǵimarattardyń biriniń janynda qoldan jasalǵan jarylǵysh zatty iske qospaq bolǵan. Keiin Resei aýmaǵynda tyiym salynǵan DAISh halyqaralyq lańkestik uiymynyń qyzmetine qatysý úshin Taiaý Shyǵysqa shyǵyp ketýdi josparlaǵan», - dep habarlaidy TASS agenttigi FQQ Qoǵamdyq bailanys ortalyǵyna silteme jasap.
FQQ mamandary onyń jasyryp qoiǵan ornynan jarylǵysh zatty jasaýǵa arnalǵan quraldardy, sondai-aq onyń qylmystyq áreketterin áshkereleitin DAISh-tiń shetelde júrgen múshelerimen elektrondyq hattary anyqtaldy. RF QK 205.5-babynyń 2-bóligimen («Lańkestik uiymnyń qyzmetine qatysý») qylmystyq is qozǵaldy, sondai-aq RF QK 30-babynyń 3-bóligi jáne 205-babynyń 1-bóligi («Lańkestik áreketke oqtalý») boiynsha qylmystyq isterqozǵaý máselesi sheshilýde.
