Reseide koronavirýsten kóz jumǵandar sany bir táýliktiń ishinde 752-ge ósip, 142 256-ǵa jetti. Bul týraly senbi kúni jýrnalisterge Jańa infektsiiamen kúres jónindegi federaldy jedel shtabta aityldy, dep habarlaidy TASS agenttigi.
Shtab derekteri boiynsha, koronavirýsten shartty ólim sany (naqty derekterdi epidemiia bitkennen keiin ǵana anyqtaýǵa bolady) 2,47% bolyp otyr. Atap aitqanda, Sankt-Peterbýrgte 102, Irkýtsk jáne Nijnegorod oblystarynda 28, Krasnodar aimaǵynda 22, Rostov oblysynda 21 ólim tirkeldi.
Reseide bir táýliktiń ishinde koronavirýs juqtyrǵandardyń sany 25 082-ge ósip, 5 758 300-ge jetti. Salystyrmaly túrde juqtyrǵandar sany 0,44%-ǵa ósken. Atap aitqanda, bir táýliktiń ishinde Máskeý oblysynda 2 487, Sankt-Peterbýrgte 1 978, Nijegorod oblysynda 527, Voronej oblysynda 423, Krasnoiar aimaǵynda 401 adamnan infektsiia anyqtaldy.
Qazirgi kezde Reseide koronavirýspen 433 210 adam aýyryp jatyr.
