Reseide koronavirýs juqtyrǵandardyń sany bir táýlikte 25 704-ke ósip, 5 907 999-ǵa jetti. Bul týraly TASS agenttigi habarlaidy.
Reseidiń federaldy shtaby taratqan málimetke sáikes, salystyrmaly túrde juqtyrǵandardyń ósý úlesi – 0,44%. Atap aitqanda, bir táýlikte Máskeý oblysynda 2 484, Sankt-Peterbýrgte 1 948, Nijegorod oblysynda 529, Krasnoiar aimaǵynda 481, Sverdlov oblysynda 478 adamnan infektsiia anyqtalǵan.
Qazirgi kezde elde 460 223 adam em alýda.
Koronavirýstan kóz jumǵandar sany bir táýlikte 799-ǵa ósken, keshe bul kórsetkish 791 bolǵan. Bul pandemiia bastalǵannan bergi rekordtyq kórsetkish bolyp otyr. Shtab derekterine sai, shartty ólim úlesi (naqty derekter epidemiia aiaqtalǵannan keiin ǵana belgili bolady) 2,49%-ǵa deiin kóterilgen.
