Sanitarlyq aviatsiia borty shetelde aýyr jaǵdaida jatqan Qazaqstan azamatyn elge jetkizdi, dep habarlaidy densaýlyq saqtaý ministrliginiń baspasóz qyzmeti.
1993 jylǵy qazaqstandyqtyń ata-anasy QR densaýlyq saqtaý ministrligine júginip, qyzdarynyń Sank-Peterbor qalasyndaǵy Jalpyreseilik shuǵyl jáne radiatsiialyq meditsina ortalyǵyna shuǵyl emdeýge jatqyzylǵanyn habarlaǵan. Vedomstvo QR syrtqy ister ministrligimen birlesip qyzdy elge ákelý úshin birqatar shara júrgizdi. Alynǵan meditsinalyq qujattar negizinde Qazaqstan azamatyn sanitarlyq aviatsiia kúshimen tasymaldaý úshin sanitarlyq aviatsiia bortyn jiberý týraly komissiialyq sheshim qabyldandy.
21 sáýirde aýyr halde jatqan 25 jastaǵy qyz sanitarlyq aviatsiia kúshimen Respýblikalyq neirohirýrgiia ortalyǵynda em qabyldaýdy jalǵastyrý úshin Astanaǵa jetkizildi.
Eske sala ketsek, ótken jyly QR densaýlyq saqtaý ministrliginiń jáne sanitarlyq aviatsiia kúshimen 2600-den astam patsientke, onyń ishinde shetelde aýyr jaǵdaida jatqan on bir adamǵa kómek kórsetilgen.
