«Ýral áýe joldary» áýe kompaniiasynyń Airbus A321 jolaýshylar ushaǵy Jýkovskii áýejaiy mańynda apatty jaǵdaida qonýǵa májbúr boldy. Ushaq Simferopolǵa ushyp shyqqan, dep habarlaidy TASS agenttigi.
Jedel qyzmettiń málimetine sáikes, ushaq Rybaki derevniasyna jaqyn mańdaǵy jazyqqa qonǵan. Barlyq jolaýshylar evakýatsiialandy. Ekipajdyń jeti múshesin qosqanda ushaqtyń bortynda 234 adam bolǵan. Kólik prokýratýrasynyń málimetine sáikes, ushaqta 220 jolaýshy, 6 bala jáne 5 ekipaj múshesi bolǵan.
Jedel qyzmet ókili málim etkendei, ushaqtyń qozǵaltqyshy órtengen, degenmen órt áýe bortyna jetpegen.
Ushaqtyń janyp jatqan qozǵaltqyshy qonatyn kezde túsip qalǵan.
Meditsina qyzmetiniń ókil ushaq qonǵan sátte on adam zardap shekkenin, olardyń arasynda bes bala bolǵanyn málim etti.
Rosaviatsiianyń aqparatyna sáikes, tórt jolaýshy aýrýhanaǵa jetkizildi. Belgili bolǵandai, adamdardyń basym kópshiligi jaraqat alǵan. Oqiǵa ornynda 20 jedel járdem brigadasy jáne eki tikushaq jumys jasaýda.
Zardap shekkender týraly aqparat áli anyqtalý ústinde.
Áýe tasymaldaýshysynyń bas direktory Sergei Skýratovtyń aitýynsha, ushaqtyń eki qozǵaltqyshy jumys istemei qalǵan. Ushaqqa qustar soǵylyp, eki qozǵaltqysh birden isten shyqqan.
Evakýatsiialanǵan adamdar qoný ornynan 300 metrge alshaq áketildi. Kólik prokýratýrasy «Ýral áýe joldary» ushaǵymen bolǵan jaǵdaidy tekserýge kiristi. Lainerdiń apattyq jaǵdaida qonýǵa májbúr bolǵan ornyna RF Tergeý komiteti toby attandy. Oqiǵa sebepterin anyqtaý úshin Jýkovskiide arnaiy komissiia qurylyp, qylmystyq is qozǵaldy.
