Resei prezidenti Vladimir Pýtin jáne Mońǵoliia prezidenti Haltmaagiin Battýlga 3 qyrkúiekte dostyq qarym-qatynasty saqtaý jáne barlyq sala boiynsha strategiialyq áriptestik ornatý týraly kelisim-shartqa qol qoidy.
Mońǵoliia astanasy Ýlan-Bator qalasynda qol qoiylǵan qujat 1993 jylǵy dostyq jáne áriptestik týraly kelisim-shartqa negizdelgen. Eki kórshi arasyndaǵy qarym-qatynas “barlyq sala boiynsha jańa deńgeige kóterildi” dedi Batýlga.
Resei basshysy jańa kelisim “eki taraptyń qarym-qatynasty jańa deńgeige kóterýdi maqsat etip otyrǵanyn kórsetedi jáne Resei men Mońǵoliianyń alǵa qoiǵan uzaq merzimdik mindetterin sheshedi” dep atap ótti.
"Resei burynnan beri Mońǵoliiany energiiamen qamtamasyz etip otyrǵan senimdi serigi" dedi Pýtin. Mońǵoliia munai ónimderiniń basym bóligin reseilik "Rosneft" kompaniiasynan alady.
2 qyrkúiekte keshke qarai Mońǵoliiaǵa barǵan Pýtin Ýlan-Batordaǵy 1939 jyly tamyz-qyrkúiek ailarynda Halhin-Gol ózeni jaǵasynda SSSR men Mońǵoliianyń birigip, japon áskerin jeńýine 80 jyl tolýyna orai uiymdastyrylǵan eske alý sharasyna qatysqan.
