Reseide sońǵy bir kúnde 11 231 adamnan koronavirýs tabyldy, 86 adam qaitys boldy. Bul týraly koronavirýspen kúres jónindegi jedel shtab habarlady. Epidemiia bastalǵaly beri koronavirýs juqtyrǵandar 180 myń adamǵa jetti. 1625 naýqas qaitys boldy. Osylaisha Resei virýs juqtyrǵandar sany jaǵynan Germaniia men Frantsiiany qýyp jetip, álem boiynsha besinshi orynǵa shyqty.
Rospotrebnadzor málimetinshe, buǵan deiin 170 myńnan astam test júrgizilgen. 230 myńnan astam adam dárigerler baqylaýynda.
11 mamyrdan keiin Reseide jumyssyz apta rejimi aiaqtalýy tiis. Rospotrebnadzor epidemiiaǵa bailanysty engizilgen shekteý sharalaryn úsh kezeń boiynsha alyp tastaitynyn málimdegen. Karantin sharalaryn jumsartý týraly sheshimdi aimaq basshylary qabyldaidy.
Máskeý meri Sergei Sobianin qalada 11 mamyrdan keiin de oqshaýlaý rejimi kúshinde qalady dep málimdedi. Iaǵni, Máskeý turǵyndary kelesi aptada da taza aýada serýendep, sportpen ainalysa almaidy. Biraq ónerkásip pen qurylys kompaniialarynyń jumysqa oralýyna ruqsat etilgen. Qyzmet kórsetý salasynda isteitin kásiporyndar jabyq bolady.
Máskeýde epidemiia bastalǵaly beri 92 myńnan astam adam koronavirýs anyqtalǵan. 900-den astam adam qaitys bolǵan.
