Resei úkimeti koronavirýs pandemiiasynan zardap shekken shaǵyn jáne orta biznes ókilderine rezervtik qordan 81,1 mlrd rýbl kóleminde qarjy bóldi. Qarjy kompaniialarǵa sýbsidiia retinde beriledi. 10 mamyrda ministrler kabinetiniń saitynda úkimet jetekshisi mindetin ýaqytsha atqarýshy Andrei Beloýsovtyń buiryǵy jariialandy.
Aqparat boiynsha, qyzmetkerleriniń 90 paiyzyn saqtap qalǵan kompaniialar ǵana sýbsidiia ala alady. Olar pandemiiadan qatty zardap shekti dep tanylǵan arnaiy tizimde kórsetilgen salalarmen ainalysqan bolýy tiis. The Bell saityndaǵy aqparatqa sáikes, kompaniialar bir qyzmetker úshin 12 130 rýbl (shamamen 165 dollar) kóleminde qarjy alady.
Úkimet esebinshe, qarjylai kómekti 970 myńnan astam kompaniia paidalana alady. Buǵan deiin biznes ókilderi úkimet kómegin paidalaný qiyndyǵyna shaǵymdanǵan.
