23 naýryzdan bastap Resei koronavirýsty juqtyrý jaǵdailary anyqtalǵan elderge arnalǵan reisterge jańa ýaqyt shekteýlerin engizdi. Bul týraly Resei aviatsiiasynyń telegram kanalynda habarlandy, dep habarlaidy TASS agenttigi.
Jedelhatta kórsetilgendei, Túrkiiaǵa (tek Ystanbulǵa reister ruqsat etilgen), Japoniiaǵa (tek qana Tokio), Vetnam (tek qana Hanoi), Tailand (Bangkok) jáne Úndistanǵa (Niý-Deli) reister shekteletin bolady.
Burynǵydai reseilik aviakompaniialar saiahatshylardy úilerine qaitarý úshin turaqty charterlik reisterdi oryndaý quqyǵyn aldy.
Jedelhatta 23 naýryzdan bastap Reseiden 19 naýryzda koronavirýstyń taralý jaǵdailary anyqtalǵan shet elder aýmaǵyna jolaýshylardy áýe arqyly tasymaldaýǵa ýaqytsha shekteýler engiziletini aitylǵan. Bul sharalar Reseiden shet elderge ushatyn jolaýshylar reisterine buǵan deiin engizilgen shektýlerge qosymsha engizilgen.
23 naýryzdan bastap reseilik áýe kompaniialary Túrkiiaǵa charterlik reisterdi Resei azamattary tolyq shyqqansha jasai alady. 23 naýryz saǵat 00: 00-den bastap Máskeý men Ystanbul arasyndaǵy turaqty reister saqtalady, charterlik reister Resei Federatsiiasynyń azamattaryn tolyq tasymaldaǵansha jalǵasady.
Sondai-aq, óńirlerden kýrorttyq baǵyttarǵa ushatyn reister jappai shekteletin bolady: Máskeýden Kolýmbiia, Dominikan Respýblikasy, Argentina, Kambodja jáne Bagam araldary, Kýba men Maldiv astanalaryna, sondai-aq Indoneziiadaǵy Bali aralyndaǵy Denpasarǵa ushýǵa bolady.
Odan bólek, Qytaiǵa ushatyn reister qaitadan qysqarady, bul joly tek Máskeý - Beijiń reisteri qalady.
