Resei Tokio Olimpiadasynan shettetilýi múmkin, dep habarlaidy "Ult aqparat" The Telegraph basylymyna silteme jasap.
«Antidoping biligi Resei keltirgen dálelderdiń talapqa sai emes ekenin málimdedi. Reseidiń sport basshylary dúisenbi kúni Búkilálemdik dopingke qarsy kúres agenttigimen kezdesedi», dep jazady basylym.
Jaqynda búkilálemdik dopingke qarsy kúres agenttigi Máskeý zerthanasynyń jumysynan kúmándi qujattar tabylǵanyn málimdegen edi. «Kezdesýde «Rýsada» dopingke qarsy kúres agenttiginiń dálelderi de talapqa sai emestigi aitylady dep boljanyp otyr. Tokiodaǵy VADA atqarý komitetiniń otyrysynda «Rýsada» sharttardy oryndamaǵanyn habarlamaq», dep jazady basylym.
Avtordyń aitýynsha, aldaǵy eki aida Resei sport organdarynyń ereje buzǵanyna jańa dálelder paida bolady.
«VADA ókilderiniń aitýynsha, bul Resei sportshylarynyń Tokio olimpiadasyna qatysý múmkindigine keri áser etedi», dep jazady avtor.
«Resei Federatsiiasynyń jeńil atletteri 2016 jyldan bastap jarystarǵa qatysa almaidy jáne juma kúni bastalatyn jeńil atletikadan álem chempionatyna da qatysa almaidy», dep jazady basylym.
Avtordyń habarlaýynsha, Resei dopingke qarsy zertteý nátijelerin VADAǵa usynbas buryn «Resei sportshylarynyń júieli túrde doping qoldanatynyn» jasyryp, úshin manipýliatsiia jasaǵan.
